Header Ads

RELASYON SA MGA KADAGKOANG OPISYAL SA ILIGAN UG LANAO, GIPALIG-ON

By MAR ZABATE
Iligan City, Philippines

Mas gipalig-on pa karon ang working relationship tali sa mga representante o kongresista sa duha ka mga probinsiya sa Lanao ug sa Iligan City.

Kini tungod kay nagtoo man si Iligan City Lone District Representative Frederick W. Siao nga mahinungdanon ang pagtambayayong ug koordinasyon sa mga magbabalaod sa managsilingang probinsiya .

Gintan-aw ni Siao ang pagsuporta sa mga proyekto ug programa sa Lanao del Norte nga naka focus sa pagpalambo sa turismo ug ekonomiya. “Kung dunay mga balaodnon nga iduso si Congressman Khalid Dimaporo sa unang distrito ug sa iyang amahang si Bobby sa 2nd district, kinahanglan nato kining suportahan kay makabenepisyo man usab ang Iligan since mao man ni ang gateway to Lanao del Norte”, miingon si Siao.

Gitan-aw karon ni Siao ang paghatag ug katumanan sa Panguil Bridge nga mag konekta sa Lanao del Norte ug sa Misamis Occidental agi sa Ozamis City.

Susama suporta usab, matud pa, ang iyang ihatag sa mga balaodnon nga iduso nila ni Lanao del Sur 1st District Congressman Ansarudin Alonto Adiong ug 2nd District Cong. Mauyag B. Papandayan Jr., Ilabina kung aduna kini kalabotan sa seguridad ug sa kahusay ug kalinaw.

Dili malimod nga usa sa mga giatubang nga pagsulay karon sa nasangpit ang hisgotanan sa peace and Order ug dili malikayan nga kung matandog kini, adunay epekto nini sa Iligan. Sama sa Lanao Del Norte, ang Iligan city nahimo usab nga gateway sa Lanao del Sur.


Post a Comment
Copyright. 2013. The New Ranao Star. Powered by Blogger.